Anak ng negosyanteng Tsinoy, kinidnap

Dinukot ng mga armadong kalalakihan ang 9-anyos na anak ng negosyanteng Tsinoy sa Barangay San Raymundo, bayan ng Jolo, Sulu noong Martes ng gabi.

Ayon sa Balitang Ahensiya ng Ahlul-bayt (ABNA24) - Kinilala ni Brig. Gen. Cirilito Sobejana, commander ng Joint Task Force (JTF) Sulu ang binihag na biktima sa palayaw lamang na Denden.

Bandang alas -7:40 ng gabi, ayon kay Sobejana nang sumulpot sa bahay ng pamilya Tan ang mga armadong kidnaper kung saan tinangay ang bata sa harapan mismo ng umiiyak nitong ina.

Ang mga kidnaper ay nagsitakas tangay ang panibagong bihag patungo sa direksyon ng pinagkukutaan ng Abu Sayyaf Group sa Barangay Bangkal, bayan ng Patikul, Sulu.

Sa inisyal na imbestigasyon, ang Ajang –Ajang Group na kaalyado ng Abu Sayyaf ang nasa likod ng pagbihag sa biktima.

Nabatid na ang ina ng bata ay isang simpleng negosyante lamang na nagbebenta ng meryenda sa canteen ng elementary school sa kapitolyo ng Jolo.